VERNDAÐU ÞAÐ SEM ÞÉR ÞYKIR KÆRAST
Merki sem bjargað gæti mannslífi
MedicAlert merkið varðveitir upplýsingar fyrir lækna og viðbragðsaðila
til þess að hægt sé að bregðast rétt við þegar mikið liggur við
HVER ERUM VIÐ?
MedicAlert eru alþjóðleg öryggissamtök sem veita upplýsingar um merkisbera á neyðarstundu.
Á Íslandi eru yfir 6.000 merkisberar.
Hringja má í símanúmer vaktstöðvar á Íslandi allstaðar að úr heiminum.
Samtökin eru sjálfseignarstofnun sem starfar óhagnaðardrifið undir vernd Lionshreyfingarinnar á Íslandi.
Milljónum MedicAlert merkisbera í yfir 40 löndum er þjónað frá höfuðstöðvum MedicAlert í Californíu.
Hvað gerum við?
01.
— Við bætum lífskjör
MedicAlert eru góðgerðasamtök sem vinna að því að bæta lífskjör þeirra sem búa við sjúkdóma eða ofnæmi með því að stuðla að því að réttar upplýsingar liggi fyrir þegar hætta steðjar að.
02.
— Við ráðleggjum
Við ráðleggjum þeim sem búa við slíkar áskoranir og aðstandendum þeirra með hvað er hægt að gera og hvernig tryggja má öryggi þeirra þegar á reynir.
03.
— Við samþættum
Við höldum utan um þær upplýsingar sem nauðsynlegar eru til þess að hægt sé að veita rétta aðstoð þegar mikið liggur við.
04.
— Við styðjum við
Við styðjum við íslenska heilbrigðiskerfið með því að veita þjónustu sem annars væri ekki til staðar með því að bjóða Medic Alert merkin.
Fréttasafn
Ekki spara í öryggi – MedicAlert merkin kosta frá kr. 5.500
Er þetta jólagjöfin sem þú ert að leita að?
Viðar hjá Skyndihjálparskólanum heimsækir MedicAlert
Margt smátt gerir eitt stórt – Árgjald og styrkbeiðnir
þríþætt öryggiskerfi
A. Merki úr málmi
Merkið er borið í keðju um háls eða úlnlið. Á merkið eru skráð eftirfarandi atriði:
- Símanúmer vaktstöðvar á Íslandi sem hringja má í allstaðar úr heiminum án endurgjalds.
- Sjúkdómsgreining eða áríðandi upplýsingar fyrir viðkomandi
- Persónunúmer sem veitir aðgang að ýtarupplýsingum í tölvuskrá Slysa- og bráðadeildar.
B. Plastspjald með upplýsingum
Plastspjald í kreditkortastærð er haft í veski og hefur að geyma ítarlegri upplýsingar svo sem einkennisnúmer hjá MedicAlert, nafn og símanúmer aðstandenda og tveggja lækna sem þekkja til merkisberans. Einnig er skráð sjúkdómsgreining og upplýsingar um lyf sem merkisberi tekur.
C. Tölvuskrá í vaktstöð
Ýtarlegustu upplýsingarnar eru í vörslu Slysa- og bráðadeildar Landspítalans, en þar er vaktþjónusta fyrir neyðarnúmer MedicAlert. Þangað má hringja allan sólarhringin, merkisbera að kostnaðarlausu hvaðan sem er úr heiminum, til að fá nauðsynlegar upplýsingar um sjúkdóm eða meðferð merkisberans.
AF HVERJU ER ÞETTA SVONA MIKILVÆGT?
Þegar læknar, hjúkrunarfræðingar, sjúkraflutningamenn, lögregluþjónar og aðrir sem koma að sjúklingi í neyð geta þeir með aðstoð MedicAlert merkisins fengið lífsnauðsynlegar upplýsingar á svipstundu, sem geta gert útslagið um gang mála í meðferðinni.
Oft segja áletranir á merkinu allt sem þarf, en einnig geta framangreindir aðilar hringt í neyðarnúmerið, gert grein fyrir sér og síðan fengið nánari upplýsingar, til dæmis um áríðandi lyfjanotkun.
Dæmi um sjúkdóma
- Insulin dependent diabetes (sykursýki)
- Coronary artery disease (kransæðaþrengsli)
- Addison’s disease (Addisonveiki)
- Kidney transplant (ígrætt nýra)
- Hemophilia (dreyrarsýki)
- Multible sclerosis (MS)
- Alzheimer’s disease
- Epilepsy (flogaveiki)
- Hjartasjúkdómar
- Bráðaofnæmi
- Einhverfa
- Asthma
nýskráning
Hvernig gerist ég félagi í MedicAlert?
Fyllið út skráningarformið og sendið okkur. Einnig má prenta skráningarformið út, fá aðstoð hjá lækni við að fylla það út og koma með það á skrifstofuna okkar.